Милостиве Господи, услыши молитву раб Своих, молящихся Тебе о болящей р.Б. Наталии.
Призри, Господи, на наше смирение и не помяни беззаконий наших, / но веры ради болящаго, / яко прокаженнаго словом, исцели ему болезнь, / да Твое, Христе Боже, славится имя.
Слава: Церковь, юже еси освятил, / на ту, Христе, не даждь поношения, / но воздвигни невидимо в недузе на одре лежащаго, / в нейже молим Ти ся: / да не рекут невернии, где есть Бог их.
И ныне: К Твоему пречистому, Богородице, образу руце воздеюще вопием: / услыши раб Твоих молитву и спаси в болезни лежащаго, / да от болезни востав, воздаст обеты, / яже в печали глаголаша уста его. Аминь.
