(Рим.5:21)
да я́коже ца́рствова грѣ́хъ -во сме́рть,
та́кожде и
благода́ть воцари́тся Пра́вдою- въ жи́знь вѣ́чную,
Ису́сом Христо́мъ Го́сподемъ нашимъ.
Олег прости . дорогой

... Все же- не удержалась... в Церковно- славянском варианте смыслы раскрываются гораздо ярче и точнее.

Вот посмотрите сами , соборушки: сколько переделано и переиначено....

Оправди́вшеся у́бо вѣ́рою, ми́ръ и́мамы къ Бо́гу Го́сподемъ на́шимъ Ису́сом Христо́мъ,
И́мже и приведе́нiе обрѣто́хомъ вѣ́рою во благода́ть сiю́, въ не́йже стои́мъ, и хва́лимся упова́нiемъ сла́вы Бо́жiя.
Не то́чiю же, но и хва́лимся въ ско́рбехъ, вѣ́дяще, я́ко ско́рбь терпѣ́нiе содѣ́ловаетъ,
терпѣ́нiе же иску́сство, иску́сство же упова́нiе:
упова́нiе же не посрами́тъ, я́ко любы́ Бо́жiя излiя́ся въ сердца́ на́ша Ду́хомъ Святы́мъ да́ннымъ на́мъ.
Еще́ бо Христо́съ су́щымъ на́мъ немощны́мъ, по вре́мени за нечести́выхъ у́мре.
Едва́ бо за пра́ведника кто́ у́мретъ: за блага́го бо не́гли кто́ и де́рзнетъ умре́ти.
Составля́етъ же Свою́ любо́вь къ на́мъ Бо́гъ, я́ко, еще́ грѣ́шникомъ су́щымъ на́мъ, Христо́съ за ны́ у́мре.
Мно́го у́бо па́че, оправда́ни бы́вше ны́нѣ Кро́вiю Его́, спасе́мся И́мъ от гнѣ́ва.
А́ще бо врази́ бы́вше примири́хомся Бо́гу сме́ртiю Сы́на Его́,
множа́е па́че примири́вшеся спа́семся въ животѣ́ Его́:
не то́чiю же, но и хва́лимся о Бо́зѣ Го́сподемъ на́шимъ Иису́съ Христо́мъ, И́мже ны́нѣ примире́нiе прiя́хомъ.
Сего́ ра́ди я́коже еди́нѣмъ человѣ́комъ грѣ́хъ въ мíръ вни́де и грѣхо́мъ сме́рть,
и та́ко сме́рть во вся́ человѣ́ки вни́де, въ не́мже вси́ согрѣши́ша.
До зако́на бо грѣ́хъ бѣ́ въ мíрѣ: грѣ́хъ же не вмѣня́шеся, не су́щу зако́ну.
Но ца́рствова сме́рть от Ада́ма да́же до Моисе́а и надъ несогрѣши́вшими
- по подо́бiю преступле́нiя Ада́мова, и́же е́сть о́бразъ бу́дущаго.
Но не я́коже прегрѣше́нiе, та́ко и да́ръ.
А́ще бо прегрѣше́нiемъ еди́наго мно́зи умро́ша,
мно́жае па́че благода́ть Бо́жiя и да́ръ благода́тiю еди́наго Человѣ́ка Иису́са Христа́ во мно́гихъ преизли́шествова.
И не я́коже еди́нѣмъ согрѣ́шшимъ дарова́нiе:
грѣ́хъ бо изъ еди́наго -во осужде́нiе: да́ръ же -от мно́гихъ прегрѣше́нiи во оправда́нiе.
А́ще бо еди́наго прегрѣше́нiемъ сме́рть ца́рствова еди́нѣмъ,
мно́жае па́че избы́токъ благода́ти и да́ръ пра́вды прiе́млющие, въ жи́зни воцаря́тся еди́нѣмъ Иису́съ Христо́мъ.
Тѣ́мже у́бо, я́коже еди́наго прегрѣше́нiемъ во вся́ человѣ́ки вни́де осужде́нiе,
та́кожде и еди́наго оправда́нiемъ -во вся́ человѣ́ки вни́де оправда́нiе жи́зни.
Я́коже бо ослуша́нiемъ еди́наго человѣ́ка грѣ́шни бы́ша мно́зи,
си́це и послуша́нiемъ еди́наго- пра́ведни бу́дутъ мно́зи.
Зако́нъ же привни́де, да умно́жится прегрѣше́нiе.
Идѣ́же бо умно́жися грѣ́хъ, преизбы́точествова благода́ть:
да я́коже ца́рствова грѣ́хъ- во сме́рть,
та́кожде и благода́ть воцари́тся Пра́вдою -въ жи́знь вѣ́чную, Ису́сом Христо́мъ Го́сподемъ на́шимъ.
(Рим.5:1-21)
Простите Христа ради , родные ,если кого смутила , но так хочется Правды!
А они -последние крохи затирают ... Имена искажают и смыслы...
Управи Господи!
На помощь Твою надеемся...