Молебен на освящение воды.
Глас 8:
Глас Господень на водах вопиет, глаголя: приидите, приимите вси Духа премудрости, Духа разума, Духа страха Божия, явльшагося Христа. [Трижды.]
Днесь вод освящается естество, и разделяется Иордан, и своих вод возвращает струи Владыку зря крещаема. [Дважды.]
Яко Человек на реку пришел еси, Христе Царю, и рабское крещения прияти тщишися, Блаже, от Предтечеву руку, грех ради наших, Человеколюбче. [Дважды.]
Слава, и ныне, глас тойже.
Ко гласу вопиющаго в пустыни, уготовайте путь Господень. Пришел еси, Господи, зрак рабий приим, крещения прося, не ведый греха: видеша Тя воды и убояшася. Трепетен бысть Предтеча, и возопи глаголя: како просветит светильник Света? Како руку положит раб на Владыку? Освяти мене и воды, Спасе, вземляй мира грех.
Прокимен, глас 3: Господь просвещение мое, и Спаситель мой, кого убоюся? Стих: Господь Защититель живота моего, от кого устрашуся?
Апостол к Коринфяном, зачало 143 от полу. [1 Кор. 10, 1 – 4.]
Братие, не хощу вас не ведети, яко отцы наши вси под облаком быша, и вси сквозе море проидоша:
И вси в Моисеа крестишася во облаце и в мори:
вси тожде брашно духовное ядоша:
си тожде пиво духовное пиша, пияху бо от духовнаго последующаго камене: камень же бе Христос.
Аллилуиа 3 р.
Евангелие от Марка, зачало 2 [Мк. 1, 9 – 11.]
Слава Тебе Господи , Слава Тебе.
Во время oно, прииде Иисус от Назарета Галилейскаго и крестися от Иоанна во Иoрдане.
И абие восходя от воды, виде разводящася небеса и Духа яко голубя, сходяща Нань.
И глас бысть с небесе: Ты eси Сын Мой возлюбленный, о Немже благоволих.
Слава Тебе Господи , Слава Тебе.
Поем тропарь-
Во Иoрдане крещающуся Тебе Господи, Троическое явися поклонение: Родителев бо глас свидетельствоваше Тебе, возлюбленнаго Тя Сына именуя: и Дух в виде голубине, извествоваше словесе утверждение, явлейся Христе Боже, и мир просвещей слава Тебе. Трижды.
Произносим молитву-
Сам Господи, Владыко , Человеколюбче , освяти воду сию Духом Твоим Святым (и опускаем в воду крест и в воде проводим крестное знамение со словами ,,Во Имя Отца и Сына и Святаго Духа .Аминь.( и так Трижды .)
Далее просим -
Даждь же всем прикасающимся ей, и причащающимся, и мажущимся ею, освящение, здравие, очищение и благословение и сподоби нас исполнитися освящения Твоего, причащением воды сея, и да будет нам Господи, во здравие души и тела. .Аминь.
Ты бо еси освящение наше, и Тебе славу и благодарение и поклонение возсылаем, со Безначальным Твоим Отцем, и Пресвятым, и Благим, и Животворящим Твоим Духом, ныне и присно, и во веки веком, Аминь.
Гп. 12 р.
Слава, и ныне, глас 6:
Воспоим, вернии, еже о нас Божия благодеяния величество: о нашем бо прегрешении быв Человек, нашим очищением очищается во Иордане: Един Чистый и Нетленный, освящаяй мене и воды, и главы змиев сокрушаяй в воде. Почерпем убо воду с веселием братие: благодать бо Духа верно почерпающим невидимо подавается от Христа Бога, и Спаса душ наших.
