download
Скачали:
93
Радоница
PLAY
PAUSE
STOP
Вкл.
Выкл.
40.34 Мбvbr17:37 мин
3
8
YES
e

Молитвами Святых Отец наших, Господи Исусе Христе Боже наш, помилуй нас.

Аминь. Слава Тебе Боже наш слава Тебе.

Христос Воскресе (трижды).

Святый Боже, Святый Крепкий, Святый Безсмертный, помилуй нас. (Трижды)

Слава Отцу и Сыну и Святому Духу, и ныне и присно и во веки веком.

Аминь.

Пресвятая Троице, помилуй нас. Господи, очисти грехи наша. Владыко, прости беззакония наша. Святый, посети, исцели немощи наша Имени Твоего ради.

Господи, помилуй. Господи, помилуй. Господи, помилуй.

Слава Отцу и Сыну и Святому Духу, и ныне и присно и во веки веком.

Аминь.

Отче наш! Иже еси на Небесех. Да святится Имя Твое. Да приидет Царствие Твое. Да будет воля Твоя, яко на Небеси и на земли. Хлеб наш насущный даждь нам днесь. И остави нам долги наша, якоже и мы оставляем должником нашим. И не введи нас во искушение. Но избави нас от лукаваго.

Аминь.

Господи, помилуй. (12 раз)

Слава Отцу и Сыну и Святому Духу, и ныне и присно и во веки веком.

Аминь.

Приидите, поклонимся Цареви нашему Богу. (поклон) Приидите, поклонимся и пр ипадем Христу, Цареви нашему Богу. (поклон) Приидите, поклонимся и припадем Самому Христу, Цареви и Богу нашему. (поклон)

Псалом 90:

Живый в помощи Вышняго, в крове Бога Небеснаго водворится.

Речет Господеви: Заступник мой еси и Прибежище мое, Бог мой, и уповаю на Него.

Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его.

Не убоишися от страха нощнаго, от стрелы летящия во дни, от вещи во тме преходяшия, от сряща, и беса полуденнаго.

Падет от страны твоея тысяща, и тма одесную тебе, к тебе же не приближится.

Обаче очима твоима смотриши, и воздаяние грешников узриши.

Яко Ты, Господи, упование мое, Вышняго положил еси прибежище твое.

Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя во всех путех твоих.

На руках возмут тя, да не когда преткнеши о камень ногу твою, на аспида и василиска наступиши, и попереши льва и змия.

Яко на Мя упова, и избавлю и: покрыю и, яко позна имя Мое.

Воззовет ко Мне, и услышу его: с ним есмь в скорби, изму его, и прославлю его, долготою дней исполню его, и явлю ему спасение Мое.

Слава Отцу и Сыну и Святому Духу, и ныне и присно и во веки веком.

Аминь.

Аллилуиа, аллилуиа,  слава Тебе, Боже. (Трижды)

Ектения.

- Упокой  Господи души  усопших рабов Твоих ( имя рек.) прости  им вся прегрешения вольныя и невольныя   и даруй им  Царство Небесное.

Аллилуия (глас 8 .)

Блажени яже избрал и приял еси Господи.

Ипамять их в род и род.

Души их во благих водворятся.

Тропарь, глас 8-й

Глубиною мудрости Человеколюбно вся строяй, и полезное всем подаваяй, едине Содетелю, упокой Господи, душы раб Твоих: на Тя бо упование возложиша, Творца и Зиждителя и Бога нашего.

Слава Отцу и Сыну и Святому Духу, и ныне и присно и во веки веком.

Богородичен: Тебе и стену и пристанище имамы, и Молитвенницу благоприятну к Богу, Егоже родила еси, Богородице Безневестная, верных спасение.

Тропари по Непорочным

 Благословен еси Господи, научи мя оправданием Твоим.  Святых лик обрете источник жизни и дверь райскую:/ да обрящу и аз путь покаянием,/ погибшее овча аз есмь,/ воззови мя, Спасе, и спаси мя.

Благословен еси Господи:

Агнца Божия проповедавше,/ и заклани бывше якоже агнцы,/ и к жизни нестареемей, святии,/ и

присносущней преставльшеся,/ Того прилежно мученицы молите,/ долгов разрешение нам даровати.

Благословен еси Господи:

В путь узкий хождшии прискорбный,/ вси в житии крест яко ярем вземши,/ и мне последовавшии верою,/ приидите, насладитеся,/ ихже уготовах вам почестей,/ и венцев небесных.

Благословен еси Господи:

Образ есмь неизреченныя Твоея славы,/ аще и язвы ношу прегрешений:/ ущедри Твое создание Владыко,/ и очисти Твоим благоутробием, и вожделенное Отечество подаждь ми,/ рая паки жителя мя сотворяя.

Благословен еси Господи:

Древле убо от не сущих создавый мя,/ и Образом Твоим Божественным почтый,/ преступлением же заповеди / паки мя возвративый в землю, от неяже взят бых,/ на еже по подобию возведи / древнею добротою возобразитися.

Благословен еси Господи:

Упокой Боже рабы Твоя / и учини я в раи,/ идеже лицы святых Господни,/ и праведницы сияют яко светила:/ усопшия рабы Твоя упокой,/ презирая их вся согрешения.

Слава:

Трисиятельное Единаго Божества благочестно поем вопиюще:/ Свят еси Отче безначальный,/ собезначальный Сыне, и Божественный Душе,/ просвети нас верою Тебе служащих,/ и вечнаго огня исхити.

И ныне:

Радуйся Чистая, Бога плотию рождшая во спасении всех,/ Еюже род человеческий обрете спасение,/ Тобою да обрящем рай,/ Богородице Чистая Благословенная.

Аллилуия, Аллилуия,  слава Тебе Боже. (трижды)

Господи помилуй (трижды)

Седален, глас 5

Покой Спасе наш,/ с праведными рабы Твоя,/ и сия всели во дворы Твоя,/ якоже есть писано,/ презирая яко Благ прегрешения их / вольная и невольная,/ и вся яже в ведении и не в ведении, человеколюбче.

Слава, и ныне, Богородиченъ: От Девы возсиявый миру Христе Боже,/ Сыны света Тою показавый, помилуй нас.

Псалом 50:

Тропари, глас 4:

Со духи праведных скончавшихся / душы раб Твоих Спасе, упокой,/ сохраняя их во блаженней жизни, яже у тебе Человеколюбче. В покоищи Твоем Господи,/ идеже вси святии Твои упокоеваются,/ упокой и душы раб Твоих, яко Един еси Человеколюбец.

Слава:

Ты еси Бог, сошедый во ад, и узы окованных разрешивый,/ Сам и душы раб Твоих упокой.

И ныне:

Едина Чистая и Непорочная Дево, Бога без семене  рождшая,/ моли, спастися душам их.

Господи помилуй (трижды)

Кондак, глас 8

Со святыми упокой / Христе душы раб Твоих,/ идеже несть болезнь, ни печаль,/ ни воздыхание,/ но жизнь безконечная.

Во блаженном успении вечный покой подаждь Господи, усопшим рабом Твоим, (имярек), и сотвори им вечную память.

Лик: Вечная память. (трижды)

Душы их во благих водворятся.

Христос Воскресе ( трижды)

 

 

 

 

Комментарии   

+9 # RE: Заупокойная служба на Радоницу.Александра Аксой 21.04.2017 11:32
Спаси Господи!!! Ирина и Самуил, низкий поклон!!!
+8 # RE: Заупокойная служба на РадоницуВиктор 21.04.2017 12:01
Христос Воскресе!
Спаси Христос!
Дорогие Иринушка Самуил!
Низкий поклон!!!
+8 # RE: Заупокойная служба на РадоницуИра 21.04.2017 12:35
Слава Богу! , родные наши! :-)
+6 # RE: Заупокойная служба на РадоницуЕвгения Донская 21.04.2017 14:59
Слава Богу, Ира, вы родные наши!!!
+5 # RE: Заупокойная служба на РадоницуЕлена и Римма 21.04.2017 18:38
Ириночка, Самуил, спаси Христос! Наши усопшие радуются и на Радоницу преисполнятся еще большим Пасхальным Торжеством . Внутри все поет! Низкий вам поклон!!!